(साउन १५, काठमाडौँ) । जापानी साहित्यबाट नेपालमा भित्रिएकी रेणुका भट्टराईले महिलाकृत हाइकु संग्रह ‘साकुरा र सुस्केरा–२०५९’ अन्तर्गत ताङ्काहरू’ नामक ताङ्का संग्रह नेपाली पाठकहरूमाझ ल्याएकी छिन् ।
हाइकु साहित्यमा प्रति नेपाली लेखकहरूले चासो पछिल्लो समयमा दिनप्रतिदिन बढ्दै गएको पाइन्छ । यसै क्रममा धेरै लेखकहरूले हाइकु र ताङ्का लेखनमा आफ्नो कमल चलाउँदै आएका छन् ।
ताङ्का संग्रहका केही ताङ्काहरू :
मेरो अस्तित्व
बादलको फुल्का झैँ
आँसुको वर्षा
के शरद के गृष्म
जहिले पनि उस्तै ।
हाँसेको मान्छे
पुलकित भविष्य
गोहीको आँसु
छोडिजाने समय
के संझौता गर्ने र !
यो संग्रह महिलाकृत पहिलो ताङ्का संग्रह हो । यसको प्रकाशन पेरोल साहित्य प्रतिष्ठान नेपालले गरेको हो । ११५ पृष्ठ रहेको यो संग्रहमा ८५ वटा ताङ्काहरू रहेका छन् । रंगीन कलेवरसहितको यो ताङ्का संग्रहको मूल्य रु। २५१।– रहेको छ ।
यस संग्रहभित्र हाइकु विद्यायन नेपालका अध्यक्ष वी।के। पाल्पालीले ‘रेणुकाको ताङ्कावाटिकामा एक नजर’ शीर्षक दिएर नेपाली ताङ्का र हाइकु साहित्य इतिहास र वर्तमान अवस्थाको बारेमा विश्लेषण टिप्पणी गरेका छन् । ताङ्का र हाइकु पारखी एवं अनुसन्धानकर्ताहरूको लागि यो पुस्तक उपयोगी हुने देखिन्छ ।
