(असार २०, काठमाडौं) । सरकारले बंगलादेशसँग उर्जा सहकार्य सम्झौता गर्ने भएको छ ।
करिब ६ महिना अघि पत्र पठाएको थियो । तर, बंगलादेश सरकारले कुनै प्रतिक्रिया नदिएपछि उर्जा, जलस्रोत तथा सिँचाई मन्त्रालयले बंगलादेशलाई सम्झौता गर्ने मिति तय गर्न पुनः पत्र पठाएको छ ।
नेपालले भारत र चीनसँग मात्र उर्जा सहकार्यसम्वन्धी सम्झौता गरेको छ । यो सम्झौता भएसँगै दुई देशबीच उर्जासँग सम्बद्ध संयन्त्र बन्छ भने विद्युत खरिद सम्झौताको लागि बाटो खुल्नेछ ।
बंगलादेशको ३० प्रतिशत पानी नेपालको नदीमा निर्भर छ । गंगा नदीको ७० प्रतिशत पानी नेपालबाट आउँछ र बंगलादेशको कुल जलस्रोतको ३० प्रतिशत योगदान गंगाले गर्छ । अहिले भने बंगलादशेले भारतबाट ६ सय मेगावाट विद्युत् आयात गरिरहेको छ । नेपालसँग उर्जा सहकार्य सम्झौता गरेर यहाँको बिजुली पनि आयात गर्ने उसको सोच छ ।
