(जेष्ठ ३०, इटहरी) । इटहरी यौनजन्य क्रियाकलापमा संलग्न भएको आरोपमा पाँच युवायुवतीलाई प्रहरीले नियन्त्रणमा लिएको छ ।
पछिल्लो समय यौनजन्य क्रियाकलाप वढ्ने क्रममा रहेको छ । इटहरी उपमहानगरपालिका–६ खेतीखोलामा कोठा भाडामा लिई यौनजन्य क्रियाकलाप सञ्चालन गर्ने गरेको आरोपमा उनीहरुलाई प्रहरीले नियन्त्रणमा लिएको छ । प्रहरीले मंगलबार साँझ इटहरीका तीन युवती तथा मोरङका दुई युवकलाई नियन्त्रणमा लिएको हो ।
यसै क्रममा पक्राउ परेका युवतीहरुले स्थानीय विष्णु आचार्यको घर भाडामा लिई यौनजन्य गतिविधि सञ्चालन गर्ने गरेको प्रारम्भिक अनुसन्धानबाट खुलेको इलाका प्रहरी कार्यालय, इटहरीले जनाएको छ ।
