पर्वत, ६ पौष । मोदी गाउँपालिका-६ थानामा ट्याक्टर पल्टिँदा सहचालकको घटनास्थलमै मृत्यु भएको छ भने चालक सहित २ जना घाइते भएका छन् ।
आइतबार बिहान पाटीचौरबाट गिज्यालतर्फ बिजुलीको पोल लिएर जाँदै गरेको ना ७ त ३६६८ नम्बरको ट्याक्टर ब्रेक फेल भएर सडकबाट करिब ३ सय मीटर तल खस्दा मोदी गाउँपालिका-२ का १८ वर्षीय दिपेन्द्र नेपालीको मृत्यु भएको प्रहरीले जनाएको छ ।
दुर्घटनामा ट्याक्टर चालक बाग्लुङको जैमुनी नगरपालिका-२ का ३७ वर्षीय प्रकाश नेपाली र ट्याक्टरमा सवार जैमुनी नगरपालिका-९ का २९ वर्षीय तेजेन्द्र थापा घाइते भएका छन् ।
घाइते भएका दुवैको उपचारका लागि पोखरा स्थित मणीपाल शिक्षण अस्पताल पठाइएको छ । ट्याक्टरमा सवार २ जना भने हाम फालेको र उनीहरु सकुशल रहेको पर्वत प्रहरीले जनाएको छ ।
