काठमाडौँ, २५ असार । नेप्से सूचक १.१२ अंकले घटेर १२४९.१५ विन्दुमा आइपुगेको छ ।
१६८ कम्पनीको ५७ करोड रुपैयाँभन्दा धेरैको सेयर कारोबार भएको छ । २९ लाख ९८ हजार ९४७ कित्ता सेयर खरिदबिक्री भएका छन् । ११ वटा समूहको सेयर कारोबार भएकामा ३ समूहका सूचक बढेका छन् भने बाँकी समूह राता भएका छन् । वाणिज्य बैंक समूहको सूचक १.७८ अंकले बढेको छ ।
कारोबार रकममा सिभिल बैंक संस्थापक सेयरले अग्रता लिएको छ । यसको १७ करोड ५३ लाख रुपैयाँभन्दा धेरैको कारोबार भएको छ । कारोबार रकमकै आधारमा दोस्रो नागरिक लगानी कोष र तेस्रो स्थानमा नेपाल बैंक परेका छन् ।
सबैभन्दा धेरै इन्फिनिटी लघुवित्तका लगानीकर्ताले ९.८१ प्रतिशतले दरले कमाएका छन् ।
