काठमाडौँ, २४ असार । अण्डाको मूल्य फेरी बढेको छ ।
नेपाल अण्डा उत्पादक सङ्घका अनुसार चर्को गर्मीका कारण उत्पादनमा कमी आएकाले अण्डाको मूल्य बढेको जनाएको छ ।
अण्डाको मूल्य प्रतिक्रेट रु. २८० पुगेको छ । त्यस्तै सानो अण्डाको मूल्य बढेर रु. २३० पुगेको छ । हाल दैनिक ४० लाख हाराहारी अण्डा उत्पादन हुने गर्दछ । यो सङ्ख्या ५५ लाख पुगेकोमा क्रमशः घट्दै आएको छ ।
दानाको मूल्य र बैंकको ब्याज बढ्दै जाने र अण्डाको मूल्य घट्दै जाँदा व्यवसायी विस्थापित हुने अवस्थामा पुगेकोमा क्रमशः मूल्यवृद्धि हुन सकेमा टिक्नसक्ने कृषकहरुको गुनासो छ ।
