काठमाडौँ, १३ जेठ । प्रधानमन्त्री कप एकदिवसीय राष्ट्रिय क्रिकेट प्रतियोगितामा एपिएफ क्लबले दोस्रो जित हात पारेको छ ।
सोमबार किर्तिपुर स्थित टियु मैदानमा भएको खेलमा एपिएफले सुदुरपश्चिमाञ्चल टोलीलाई तीन विकेटले हराउदै जित हासिल गरेको हो ।
टस जितेर पहिले ब्याटिङ गरेको सुदुरपश्चिमले ३७.१ ओभरमा सवै विकेट गुमाएर एक सय २५ रन बनाएको थियो । एक सय २६ रनको विजय लक्ष्य पछ्याएको एपीएफले ३४.४ ओभरमा सवै विकेट गुमाएर एक सय २७ रन बनाएको थियो । एपिएफको जितमा कप्तान पृथु बास्कोटाले अविजित ३२ रन बनाए ।
शरद भेषवाकरले २६, सन्दीप जोराले २२, सुमित महर्जनले १५ र प्रदिप ऐरीले १० रन बनाए । बलिङमा सुदुरपश्चिमका बिनोद लामाले तीन विकेट लिए । शेर मल्लले दुई तथा विकास अग्रि र नरेन्द्र साउदले समान एक–एक विकेट लिए ।
विपिन रावलले २१, खडक बोहोराले १९ र रोशन अधिकारीले १६ रन बनाए । अन्य ब्याट्सम्यानले दोहोरो अंकको रन बनाउन सकेनन् । बलिङमा एपीएफका अविनाश बोहोराले दुई, पृथु बास्कोटा, शरद भेषवाकर र भुवन कार्कीले एक–एक विकेट लिए ।
