सुनसरी, २५ फागुन । सातौं धरान रनको उपाधि पुरुष तर्फ तीर्थ पुन र महिला तर्फ कान्छीमाया कोजुले जिते हासिल गरेका छन् ।
शनिबार भएको साताैं धरान १० किमि रनमा तीर्थले ३१ मिनेट १६ सेकेन्डमा दूरी पुरा गरेका थिए भने महिला तर्फबाट कान्छीमायाले ३७ मिनेट ४७ सेकेन्डमा दौड पुरा गरेकी थिइन ।
त्यस्तै पुरुषतर्फ ३१ मिनेट २२ सेकेण्डमा दूरी पूरा गर्दै अनिस थापा दोस्रो भए भने तेस्रो भएका गजेन्द्र राईले ३१ मिनट ३५ सेकन्डमा दौड पूरा गरेका थिए ।
महिलातर्फ ३८ मिनेट ८ सेकण्डमा दुरी पार गर्दै सन्तोषी दोस्रो भइन् भने पुष्पा भण्डारी तेस्रो भएकी थिइन । उपाधि विजेताहरुमध्ये पहिलो हुनेले ४० हजार, दोस्रो हुनेले २० हजार र तेस्रो हुनेले नगद २० हजारसहित ट्रफी, पदक र प्रमाणपत्र प्राप्त गरेका छन् ।
