काठमाडौं, २९ माघ । भारतमा भैरहेको हिरो गोल्डकप फुटबल प्रतियोगिताको खेलमा नेपालले भारतलाई जितेको छ ।
भुवनेश्वरको कालिङ्गा रंगशालामा सोमबार राति भएको खेलमा २–१ गोल अन्तरले हराएको हो ।
नेपाली खेलाडी सावित्रा भण्डारीले पहिलो हाफको पाँचौ र सातौं मिनेटमा गोल गरिन् । पहिलो हाफमा २–० ले अगाडि रहेको नेपालले त्यसपछि थप गोल गर्न सकेन ।
दोस्रो हाफको ८४औँ मिनेटमा भारतका लागि रत्नाबाला देवीले फ्रीकिकमार्फत गोल गरेर खेलमा फर्किने कोशिस गरेपछि पर्याप्त भएन ।
नेपाल आफ्नो पहिलो खेलमा म्यानमारसँग ३–० गोल अन्तरले पराजित भएको थियो । नेपालले अर्कोखेल बुधबार इरानसँग खेल्ने छ।
