काठमाडौँ, १९ असोज । नेपाली फिल्म ‘गौँथली’ले २६ करोड रुपैयाँ बढीको व्यवसाय गर्न सफल भएको छ ।
चलचित्र विकास बोर्डका अनुसार १८ असोज आइतबार राति ११ः५९ सम्मको बक्स अफिस रिपोटमा फिल्मको २६ करोड १ लाख ९६ हजार ४० रुपैयाँ २० पैसा ग्रस कलेक्सन रहेको छ । यो अवधिमा फिल्मको टिकट ९ लाख ४४ हजार २६३ वटा बिक्री भएको छ ।
फिल्म चलचित्र उद्योगमा हालसम्म सबैभन्दा धेरै कमाउने सूचीमा दोस्रो स्थानमा आइपुगेको छ । पहिलो स्थानमा अहिलेसम्म ‘पूर्ण बहादुरको सारङ्गी’ कायम नै छ ।
डा. कपिल रिजालको निर्देशन रहेको ‘गौँथली’मा अरुण क्षेत्री, सिम्रन खड्का, मदनकृष्ण श्रेष्ठ, प्रकाश घिमिरे, लुनिभा तुलाधर, रवीन्द्र झा, ईश्वरी बराल, सन्जोग रसाइली, सीतादेवी तिमिल्सिनालगायत कलाकारको अभिनय छ ।
