काठमाडौँ, १७ साउन । कपिलवस्तुको शिवराज नगरपालिका–५ स्थित चन्द्रौटामा दुर्घटना हुँदा एक जनाको मृत्यु भएको छ । मृत्यु हुनेमा शिवराज नगरपालिका–२ बस्ने १८ वर्षीय शिखर बिक छन् ।
प्रहरीका अनुसार पूर्व पश्चिम राजमार्गमा गतराति लुम्बिनी प्रदेश–०१–००१ च २०५४ नम्बरको स्कोर्पियोले शिखर विकले चलाएको लु।१४ प ५१९० नम्बरको स्कोर्पियोलाई ठक्कर दिएको हो । दुर्घटनामा परेर मोटरसाइकल पछाडि सवार २१ वर्षीया शोभा सिर्पाली घाइते छिन् । उनको बुटवल स्थित चौरहा अस्पतालमा उपचार भइरहेको छ ।
स्कोर्पियो चालक दाङको घोराही उपमहानगरपालिका–१५ घर भएका २६ वर्षीय केशव रिजाललाई पक्राउ गरिएको छ । घटनाबारे प्रहरीले अनुसन्धान गरिरहेको छ ।
