काठमाडौँ, २२ असार । युवा, श्रम तथा रोजगारमन्त्री रामजी यादवले सरकारले आन्तरिक रोजगारी सिर्जनालाई उच्च प्राथमिकतामा राखेको बताएका छन् ।
राष्ट्रियसभामा विनियोजन विधेयकको मन्त्रायलगत सोमबार भएको छलफलका क्रममा उठेका प्रश्नको जवाफ दिँदै उनले यसका लागि श्रम क्षेत्रको नियमन र रोजगार प्रवर्द्धनका कार्यक्रमलाई तीव्र बनाएको जानकारी दिए । श्रम अधिकार, मर्यादित काम र श्रमिक सुरक्षालाई प्रभावकारी रूपमा कार्यान्वयन गर्न श्रम निरीक्षणलाई रणनीतिक प्राथमिकता दिएको उनले बताए ।
उनले भने, “पछिल्लो १०० दिनमा एक हजार ३२१ प्रतिष्ठानमा श्रम निरीक्षण सम्पन्न गरिएको छ । श्रमिकका उजुरी, निवेदन तथा निरीक्षणका क्रममा श्रम शोषणसम्बन्धी कारबाहीबाट जरिबाना र सहमतिबापत चार करोड ४० लाख ९६ हजार २०५ रुपैयाँ असुल गरिएको छ ।”
