काठमाडौँ, १४ बैशाख । रौतहट र दैलेखमा पोखरीमा डुबेर दुई बालकको मृत्यु भएको छ ।
प्रहरीका अनुसार रौतहटको दुर्गाभगवती गाउँपालिका–१, पिपराटोल बस्ने गौरीशंखर साह कलवारको छोरा पाँच वर्षीय कृषको मृत्यु हो ।
सोही गाउँपालिका–१ स्थित बह्रमस्थानको पोखरीमा डुबेर आइतबार साँझ मृत्यु भएको हो । डुबेर अशक्त भएका उनको स्थानीय वाग्मती सेन्ट्रल अस्पताल गंगापिपरामा उपचारको क्रममा मृत्यु भएको हो ।
त्यस्तै, दैलेखको महाबु गाउँपालिका–४, गीताचौर बस्ने कमल नेपालीको छोरा ९ वर्षीय रूपेशको पौडी खेल्ने क्रममा डुबेर ज्यान गएको छ । सोही ठाउँस्थित छामघाट खोलामा पौडी खेल्ने क्रममा डुबेर आइतबार दिउँसो मृत्यु भएको जनाइएको छ ।
