नेपालगन्ज, २७ असोज । लुम्बिनी प्रदेशका मुख्यमन्त्री चेतनारायण आचार्यले लुम्बिनी प्राविधिक विश्वविद्यालयले विद्यार्थीको आकर्षण बढाउन थालेपछि विश्वविद्यालयप्रति नयाँ आशा पलाएको उल्लेख गरेका छन् ।
नेपालगन्जमा आइतबार विश्वविद्यालयको सातौँ सिनेट बैठकलाई सम्बोधन गर्दै मुख्यमन्त्री आचार्यले पछिल्लो समयमा गरिएको मेहनतले आशाको किरण जगाएको उल्लेख गरे । लुम्बिनी प्राविधिक विश्वविद्यालयलाई उत्कृष्ट र नमूना संस्थाका रूपमा विकसित गर्न साझा प्रयास आवश्यक रहेको बताएका छन् ।
विश्वविद्यालयले अझ विश्वास जित्नका लागि थप परिश्रम गर्नुपर्नेमा जोड दिए । अझै पनि विश्वविद्यालयलाई जनस्तरसम्म पुर्याउन आवश्वक रहेको र यसमा सबैले मिलेर काम गर्नुपर्ने मुख्यमन्त्री आचार्यको भनाइ थियो ।
