मकवानपुर, १२ मंसिर । प्रदेश नम्बर तीनको प्रदेशसभाको बैठक स्थगित भएको छ ।
राजधानीको विषय र नामाकरणको विषयमा सहमति जुट्न नसकेपछि स्थगित भएको बताएका छन । प्रदेशका सांसदहरुले राजधानीको विषय र नामाकरणको विषय छिटो टुङ्ग्याउनका लागि माग गरेका छन् ।
प्रदेश नम्बर तीनको मुख्यमन्त्री डोरमणि पौडेल पनि कतार भ्रमणमा रहेको र नेकपाको केन्द्रीय नेतृत्वबाट पनि राजधानीको विषयमा के गर्ने भन्ने सर्कुलर नआएकाले प्रदेशसभा बैठक समेत अनिश्चित बनेको हो ।
तीन नम्बर प्रदेशसभाको हिजोकोे बैठकबाट पाँच वटा विधेयक पास भएका छन् । आजको प्रदेशसभाको वैठकबाट आन्तरिक मामिला तथा कानुन मन्त्रालयले पेस गरेको ‘प्रदेश सञ्चारमाध्यम व्यवस्थापन गर्न बनेको विधेयक’ र ‘प्रदेश संंस्था दर्तासम्बन्धी व्यवस्था गर्न बनेको विधेयक’को प्रतिवेदनसहित सभाबाट पास भएको छ ।
