लाखौ देवता छन कसलाई मात्र पूजा गरौँ । लाखौ तिर्थ छन् कहा कहा मात्र घुमौ । लाखौ मन्त्रहरु छन कुन कुन मात्र जपौ’ । लाखौ औषधि छन कुन कुन मात्र खाऔँ । मन्दिरका मुर्ति बोल्दैनन को संग म याचना गरौँ ।
चित्रकारले नि भगवान नदेखि आफ्नै कल्पना र भावनाका आधारमा भगबानको आकृति बनाउदछ । आफुले पनि आज सम्म भगवान देखेको छैन कसलाई सम्झौं । म कस्तो भगवानको कल्पना गरौं ।
गंगाको पानीमा जन्मेर गंगाको पानीमै मर्ने माछालाई हेर्छु । पशुपतिको बरीपरी जीवनभर भौतारिरहेको बादरको पिडालाई हेर्छु । चर्च, गूम्बा र मस्जित बरिपरी घुमिरहने दुखि आत्माहरुलाई हर्छु । यो जीवन र जगत प्रति झन झन बैराग्य चलेर आउछ ।
गरुदेव, अहिले म तपाईको चरण कमलमा छु । तपाईको पाउ स्पर्श गर्न सक्छु । तपाईको बोली सुन्न सक्छु । मेरो ब्रहा, विष्ण’ र महेश्वर लयायत सम्पूण भगवान भनेकै तपाई हो । मलाई ज्ञान, बुद्धि, विबेक र आशिवार्द दिनुस जसले म पूर्ण मानव बनी यो जीवनलाई सहि तरीकाले जिउन सकौं । मेरा सबै गुरुहरुलाई कोटी कोटी प्रणाम ।
लेखक: तेजबहादुर ढकाल
काठमाडौँ
