(साउन २७, झापा) । झापा कारागार भद्रपुर परिसर भित्रबाटै एक कैदीबन्दी फिल्मी शैलीमा आइतबार दिउँसो फरार भएसँगै कारागारमा तैनाथ प्रहरीमाथि गम्भिर प्रश्न चिन्ह खडा भएको छ ।
कर्तव्य ज्यान मुद्दामा पक्राउ परेका गौरादह नगरपालिका ८ (साविक जुरोपानी गाविस ९) निवासी अन्दाजी २४ वर्षीय उमेश माझी फरार भएको जिल्ला प्रहरी कार्यालय झापाका प्रहरी उपरीक्षक जितेन्द्रकुमार बस्नेतले जानकारी दिए ।
माझीलाई झापा जिल्ला अदालतले २०७१ साल असार ७ गते आजीवन कारावासको सजाय सुनाएको थियो । बेलुका कैदी गन्ती गर्ने क्रममा एक जना कैदीबन्दीको संख्यामा कमी आएपछि माझी फरार भएको घटना त्यसपछि बाहिर आएको हो ।
माझी पेशाले इलेक्ट्रिशियन भएकाले कारागारको पर्खालमा बिजुलीका काम गर्नका उनले भर्याङ (सिढी)को प्रयोग गरेका थिए। ‘भर्याङ चढेर काम गर्दागर्दौ गरेको अवस्था फिल्मी शैलीमा पर्खाल नाघेर फरार भएको हुन सक्ने अनुमान गरिएको छ ।
कारागार भित्रैबाट कैदीबन्दी फरार भएपछि कारागारमा तैनाथ सुरक्षाकर्मी तथा कैदिवन्दीसँग सोधवुझ भइरहेको साथै व्यापक रुपमा खोजी कार्य भइरहेको प्रहरीले जनाएको छ ।
