(साउन १६, धनुषा) । प्रदेश २ मुख्यमन्त्री लालबाबु राउतले सामाजिक विकृतिले मानव अधिकारलाई चुनौती दिँदै आएको बताउँदै विकृति अन्त्यका लागि महिला शिक्षित हुनु आवश्यक रहेको बताए ।
अनौपचारिक क्षेत्र सेवा केन्द्र ९इन्सेक०ले जनकपुरमा आज आयोजना गरेको २४औँ प्रकाश मानव अधिकार पुरस्कार २०७४ प्रदान समारोहमा मुख्यमन्त्री राउतले मानव अधिकार संरक्षणका लागि प्रतिबद्ध रहेको बताउँदै समाजिक न्यायका लागि मानव अधिकारको संरक्षण आवश्यक रहेकाले प्रदेश सरकारले चाँडै मानव अधिकार संरक्षण ऐन ल्याउन लागेको बताए । मुख्य मन्त्री राउतले महिलालाई शिक्षित बनाउन प्रदेश सरकारले ‘बेटी पढाऊ, बेटी बचाऊ’ अभियानलाई प्राथमिकतामा राखेर अघि बढाएको बताए ।
कार्यक्रममा मुख्यमन्त्री राउतले २४आँै प्रकाश मानव अधिकार पुरस्कार २०७४ रौतहटका मानव अधिकारकर्मी मो। मकसुद राँकीलाई प्रदान गरे ।
