(जेठ २९, काठमाडौँ) । गर्मी मौसममा शरीरलाई स्वस्थ र फूर्तिलो बनाई राख्नको लागि प्रशस्त मात्रामा फलफूलको सेवन गर्नु आवश्यक हुन्छ । तर कस्तो फलफूल खाने भन्ने विचार पुर्याउनु राम्रो हुन्छ ।
गर्मि मौसममा खाने फलफूल :
काँक्रा – ९६ प्रतिशत पानीको मात्रा हुने भएकाले गर्मी मौसममा यसको सेवन गर्नु उपयुक्त हुन्छ । यसले शरीरको भित्री तथा बाहिरी अंगलाई मजबुत बनाइ राख्न मद्दत गर्दछ ।
खरबुजा – गर्मी मौसममा पाइने हुनाले शरीरमा शीतलता प्रदान गर्दछ । यसले पेटसम्बन्धी समस्या ग्याँस्ट्राइटिस, कब्जियत बाट मुक्ति मिल्छ ।
अंगूर – यसमा प्रशस्त मात्रामा एन्टीअक्सिडेन्ट नामक तत्व पाइन्छ जसले मानसिक तनाव कम गर्नुका साथै शरीरमा भोक तथा प्यास मेटाउन मद्दत गर्छ ।
आँप – आँपलाई २ देखि ३ घन्टासम्म पानीमा डुबाएर खानाले शरीरमा शीतलता प्रदान गर्छ । यसले शरीरमा शक्ति पैदा गर्छ ।
लिची – यसको सेवनले शरीरलाई शीतलता प्रदान गर्नुका साथै मस्तिष्कलाई चुस्त बनाइ राख्न मद्दत गर्छ ।
