भक्तपुर, १३ फागुन । शहिद धर्मभक्त राष्ट्रिय प्रत्यारोपण केन्द्र ९पहिलेको मानव अंग प्रत्यारोपण केन्द्र० भक्तपुरले बुधवारदेखी मुटूको ओपन शल्यक्रिया शुरु गरेको छ । जिल्ला मै एक मात्र मुटू रोगको सेवा उपलब्ध गराउन शुरु गरेको हो ।
उक्त केन्द्रमा पछिल्लो ३ महिनादेखि मुटुको इन्टरभेन्सनल शल्यक्रिया भइरहेका छन् । प्रत्यारोपण केन्द्रमा मुटूको एन्जियोग्राम, स्टेण्टिङ्ग जस्ता शल्यक्रियाहरु पनि लगातार भैरहेका छन् । प्रत्यारोपण केन्द्रका कार्यकारी निर्देशक प्रा डा प्रेमराज ज्ञवालीका अनुसार कोभिड-१९ को कारणले संसार भरि नै स्थगित भएको मृगौला प्रत्यारोपणको शल्यक्रिया पनि गत तिहार अगाडीदेखि नै यस केन्द्रले शुरु गरिसकेको छ । हालसम्म १२ जना बिरामीहरुमा मृगौला प्रत्यारोपण गरि सकिएको छ ।
त्यसै गरी आज गरिएको मुटूको ओपन शल्यक्रियामा यस केन्द्रका कार्डियो(थोरासिक तथा भास्कुलर विभागका शल्य चिकित्सकहरु डा सम्पूर्णमान तुलाधर, डा संजित शाह, डा रीचा जोशीको नेतृत्वमा भएको थियो । प्रा डा ज्योतिन्द्र शर्मा, डा मुरारी उप्रेती र पर्फ्युजनिस्ट महेन्द्र भट्टको टीमको सहयोगमा उक्त अपरेसन गरिएको थियो । एनेस्थेसिया विभागका चिकित्सकहरु डा आरती राई, डा निभा, डा सोभित र डा सुशील तामांग तथा अपरेसन थियटरका नर्सहरु कामना र ज्योतीको प्रत्यक्ष संलग्नता रहेको थियो ।
