काठमाडौँ, १५ पौष । जाडो मौसममा न्यानो घाममा बसेर सुन्तला खानुको मज्जा नै बेग्लै हुन्छ । सुन्तला खाँदा जति मिठो र रसिलो हुन्छ, त्यति नै पोषक तत्वका हिसाबले पनि फाइदाजनक छ ।
हेर्नुहोस सुन्तला खानुको फाइदाहरु :
१. सुन्तला सेवन गर्नले उच्च रक्तचाप नियन्त्रण गर्न सहयोग पु¥याउँछ । सुन्तलामा हुने हेस्परिडिन भन्ने तत्वले उच्च रक्तचाप नियन्त्रण गर्छ ।
२. सुन्तलामा हुने पोटासियमले तपाईको मुटुलाई स्वस्थ राख्न सहयोग गर्छ ।
३. सुन्तलामा पाइने एन्टिअक्सिडेन्टले सुन्तला खाने व्यक्तिमा स्तन, फोक्सो र छालाको क्यान्सरको जोखिम कम गर्छ ।
४. सुन्तलामा पाइने भिटामिन ए ले आँखाको स्वास्थ्यका लागि निकै फाइदाजनक छ ।
५. सुन्तलामा पाइने फाइबरले कब्जियत हुन दिदैन । त्यस्तै सुन्तलामा हुने रेशायुक्त पपदार्थले तपाईका् पाचन प्रणाली समेत राम्रो बनाउँछ ।
६. सुन्तलामा पाइने एन्टिअक्सिडेन्टले छालालाई सुन्दर राख्न मद्दत गर्छ ।
७. थकाइ लागेका वेला सुन्तला खाँदा तत्कालै सहज महसुस हुन्छ ।
८. सुन्तलाले मिर्गौलाको पत्थरी हुनबाट जोगाउँछ ।
९. गिजाबाट रगत बग्ने समस्यालाई पनि सुन्तलाले फाइदा पुर्याउँछ ।
१०. वजन कम गर्नका लागी पनि सुन्तलाले मदत गर्दछ ।
