काठमाडौँ, १९ असोज । आज सेयर बजार परिसूचक नेप्से दोहोरो अंकले घटेको छ ।
आज नेप्से सूचक २०.४८ अंकले घटेर २५६६.७६ अंकमा आइपुगेको हो । सूचक घटेपछि कारोबार पनि घटेको छ । यो दिन ३ अर्ब २७ करोडको कारोबार भएको हो ।
सूचक घटेर राताम्मे बनेको बजारमा २४२ वटा कम्पनीको सेयरमूल्य घट्दा ३२ वटाको मात्रै मूल्य बढेको छ । बढ्नेमा म्युचुल फण्ड र व्यपार समूहका कम्पनीहरू छन् । यस्तै घट्नेमा भने लगानी समूहका र वित्त समूहका कम्पनीहरू छन् ।
आज घलेम्दी हाइड्रोको सबैभन्दा धेरै कारोबार भएको छ । यो कम्पनीको २२ करोडको कारोबार भएको हो । समग्र बजार दोहोरो अंकले घट्दा लगानीकर्ताको सम्पत्ति घटेर ४४ खर्ब १५ मा आइपुगेको हो ।
