काठमाडौँ, १४ भदौ । रसुवाको भोटेकोशी क्षेत्रमा आएको विनाशकारी बाढीका कारण हालसम्म ७३४ जनाको शव फेला परेको छ ।
चितवनमा २५९ जना, नवलपरासी पूर्व १८४ जना,नवलपरासी पश्चिम ८२ जना, गोरखा ५८ जना, नुवाकोट ५२ जना, धादिङ ५० जना, तनहुँ ३६ जना, रसुवा १३ जनाको शव फेला परेको हो ।
बाढीमा परी अझै २,४९८ जना सम्पर्कविहीन रहेका छन् । बेपत्ता हुनेहरूमा विभिन्न सुरक्षा निकायका ८५ जना (सेना ४५, प्रहरी २७, सशस्त्र १३) समेत रहेका छन्। यस्तै, विभिन्न जलविद्युत् आयोजनाबाट मात्रै ९३३ जना कामदार सम्पर्कविहीन भएका छन् ।
हालसम्म ८,१८६ जनाको जीवितै उद्धार गरिएको छ । उद्धारका लागि १९,८९५ सुरक्षाकर्मी परिचालित भएका छन् ।
