सिरहा, २४ असार । सिरहाको लक्ष्मीपुर पतारीमा एक महिलाको शव फेला परेको छ ।
लक्ष्मीपुर पतारी–३ महेशपुरकी ४० वर्षीया रञ्जुदेवी यादवको शव सोही पालिकाको वडा नम्बर ५ र ६ जोड्ने सरस्वती खोलाको उत्तरी किनारमा फेला परेको हो । मृतकका बुबा हरिदेव यादवले रञ्जुलाई मानसिक समस्या रहेकाले केही समयदेखि माइतीमै बस्दै आएको बताए । उनले मानसिक समस्या रहेकाले उनको घरमा बस्ने, हिँड्नेसमेत ठेगान नहुने बताए ।
मृत्युको कारण भने खुल्न नसकेको प्रहरीले जनाएको छ। घटनाबारे तत्काल केही बताउन नसकिने भन्दै थप अनुसन्धान जारी रहेको प्रहरीले जनाएको छ।
