पाल्पा, २४ असार । बसमा यात्रा गरिरहेका एक युवकबाट ब्राउन सुगर र चरेससहित प्रहरीले एक जनालाई पक्राउ गरेको छ ।
जिल्ला प्रहरी कार्यालय पाल्पाका अनुसार बगनासकाली गाउँपालिका–३, आर्यभञ्ज्याङस्थित सिद्धार्थ राजमार्गमा सवारी साधन चेकजाँचका क्रममा बुटवलबाट पोखरातर्फ जाँदै गरेको ग२ख २४४४ नम्बरको बसमा सवार तानसेन नगरपालिका–६ निवासी २४ वर्षीय हेमन्त खड्कालाई पक्राउ बुधबार गरिएको हो ।
प्रहरीले शङ्काका आधारमा उनको शरीर तथा साथमा रहेको झोला खानतलासी गर्दा ब्राउन सुगर जस्तो देखिने पदार्थ २ ग्राम ११० मिलिग्राम र चरेस जस्तो देखिने पदार्थ ६ ग्राम २१० मिलिग्राम बरामद गरेको हो ।
