मकवानपुर, २४ असार । ललितपुरको नख्खु कारागारबाट फरार भएका लागुऔषध (अफिम) मुद्दाका एक कैदीलाई प्रहरीले मकवानपुरबाट पक्राउ गरेको छ ।
२०८२ साल भदौ २३–२४ गते भएको जेनजी आन्दोलनको मौका छोपेर कारागारबाट भागेका प्रतिवादीलाई खोजतलासका क्रममा प्रहरीले नियन्त्रणमा लिन सफल भएको हो । पक्राउ पर्नेमा मकवानपुर जिल्लाको बकैया गाउँपालिका वडा नं. ६ ज्यामिरे बस्ने ३९ वर्षका सुकलाल वाइवा रहेका छन् । लागुऔषध अफिम सम्बन्धी मुद्दामा अदालतबाट २० वर्षको कैद सजाय पाएर नख्खु कारागारमा सजाय भुक्तान गरिरहेका वाइवा आन्दोलनका क्रममा फरार सूचीमा रहेका थिए ।
उनलाई मकवानपुरको बकैया गाउँपालिका वडा नं. ४ स्थित जुरेली बजारबाट फेला पारी मंगलबार पक्राउ गरेको हो ।
