काठमाडौँ, १ जेठ । सामाजिक सञ्जालमार्फत महिलालाई दु:ख हैरानी दिएको आरोपमा प्रहरीले एकजनालाई पक्राउ गरेको छ ।
प्रहरी प्रधान कार्यालयका अनुसार काभ्रेको रोशी गाउँपालिका-११ घर भएका २३ वर्षीय समिर तामाङलाई बुधबार पक्राउ गरिएको हो । टिकटकलगायत सामाजिक सञ्जालमा पीडितको फोटो राखी ब्ल्याकमेल गर्ने तथा व्यक्तिगत फोटो भिडियो बाहिर ल्याई दिन्छु भनि धाक धम्की दिई पीडितबाट आर्थिक लाभ लिएको भन्ने पीडितको उजुरीको आधारमा साइबर ब्यूरोबाट खटिएको प्रहरीले उनलाई पक्राउ गरेको हो ।
उनलाई काठमाडौँ महानगरपालिका-१३ कलंकीबाट पक्राउ गरेको प्रहरीले जानकारी दिएको छ । उनीमाथि विद्युतीय (इलेक्ट्रोनिक) कारोबार ऐन र आपराधिक लाभसम्बन्धी कसुरमा जिल्ला अदालत काठमाडौँबाट ७ दिन म्याद थप अनुमति लिई आवश्यक अनुसन्धान भइरहेको जनाएको छ ।
