भक्तपुर, २९ फागुन । काठमाडौँ मेडिकल कलेज र चाँगुनारायण नगरपालिका, वडा नं. २ बीच स्थानीय बासिन्दालाई स्वास्थ्य सेवामा सहुलियत प्रदान गर्ने उद्देश्यले सम्झौता सम्पन्न भएको छ ।
उक्त सम्झौता अनुसार वडा नं. २ का बासिन्दाले काठमाडौँ मेडिकल कलेजमा उपचार गराउँदा विभिन्न स्वास्थ्य सेवामा विशेष छुट सुविधा प्राप्त गर्नेछन् । सम्झौता पत्र अनुसार ओपीडी दर्ता (OPD Card) निःशुल्क उपलब्ध हुने व्यवस्था गरिएको छ भने बेड चार्ज, ICU, CCU, OT सेवा, ल्याब जाँच, CT/MRI, X-Ray, USG, ECG लगायतका विभिन्न परीक्षण तथा उपचार सेवामा करिब २५ प्रतिशतसम्म छुट प्रदान गरिनेछ ।
यसका साथै फिजियोथेरापी तथा दन्त उपचार सेवामा समेत सोही अनुसारको सहुलियत उपलब्ध हुने उल्लेख गरिएको छ । यो सहकार्यले स्थानीय बासिन्दालाई गुणस्तरीय स्वास्थ्य सेवा सहज रूपमा उपलब्ध गराउने अपेक्षा गरिएको छ ।
साथै अस्पतालले आफ्नो सामाजिक उत्तरदायित्व अन्तर्गत समुदायसँग सहकार्य गर्दै स्वास्थ्य सेवा पहुँच विस्तार गर्ने प्रयास गरेको देखिन्छ । स्थानीय सरकार र स्वास्थ्य संस्थाबीच भएको यस्तो सहकार्यले नागरिकको स्वास्थ्य सुरक्षामा सकारात्मक योगदान पुर्याउने विश्वास गरिएको वडा अध्यक्ष सोम प्रसाद प्रधान बताउछ्न !
