काठमाडौँ, २२ असोज । काठमाडौँमा घर मालिक र डेरामा बस्नेको कोठाबाट नगद तथा गरगहनासहित करिब १ लाख ४४ हजार ५ सय रुपैयाँ बराबरको धनमाल चोरी भएको छ ।
काठमाडौँ महानगरपालिका-१६, वनस्थली बस्ने लालपुरा रोक्काको घर र सोही घरमा डेरा गरी बस्ने तनहुँ गण्डकी गाउँपालिका-५ घर भएका ३१ वर्षीय तेज बहादुर गुरुङको कोठाबाट उक्त चोरी भएको हो। चोरी मंगलबार दिउँसो भएको प्रहरीले जनाएको छ ।
चोरी भएको धनमालमा नगदका साथै चाँदीका विभिन्न गरगहनाहरू रहेको खुलेको छ । प्रहरीले घटनामा संलग्न हाल फरार रहेका व्यक्तिहरूको खोजी गरिरहेको छ र यस सम्बन्धमा आवश्यक अनुसन्धान जारी राखेको छ ।
