कास्कीमा ९ हजार संक्रमित

पोखरा, २ भदौ । महामारीका रूपमा फैलिएको आँखा पाक्ने रोगबाट कास्कीमा ९ हजार जना संक्रमित भएका छन् ।

गण्डकी प्रदेशभर यसको संख्या साढे १२ हजार छ । गण्डकीका सामाजिक विकास तथा स्वास्थ्य मन्त्रालयका अनुसार कास्कीमा ९ हजार १७ जना संक्रमित भएका हुन् । यो संख्या गण्डकीका ११ जिल्लामध्ये सबैभन्दा बढी हो ।सबैभन्दा कम हिमालपारिको जिल्ला मनाङमा १५ जना मात्र संक्रमित छन् । बढी संक्रमित हुनेमा कास्कीसहित नवलपुर, गोरखा र तनहुँवासी हुन् । आँखा पाक्ने रोग अर्थात् एडिनो भाइरस कन्जन्टिभाइटिस महामारी रूपमा फैलिएपछि एमालेका सांसदले प्रदेशसभामा यसबारे जरुरी सार्वजनिक महत्वको प्रस्ताव नै दर्ता गरेका थिए ।

यसबारे संसदमा बिहीबार छलफल भएको थियो । सांसदहरूको प्रश्नको जवाफ दिनेक्रममा गण्डकीका सामाजिक विकास तथा स्वास्थ्यमन्त्री सुशीला सिंखडाले सरकारले आँखा पाक्ने रोगलाई गम्भीरताका साथ लिएर नियन्त्रणको काम गरिरहेको जिकिर गरिन् । उनले भनिन्, ‘सरकारी र निजी अस्पतालमा उपचार गरिरहेका छौं ।

विभिन्न अस्पतालमा औषधी उपलब्ध गराइएको छ । सञ्चारमाध्यममार्फत सूचना प्रसारण गर्ने काममा बढी जोड दिइएको छ ।’ मन्त्री सिंखडाले गण्डकीका सबै जिल्ला अस्पतालमा आँखा विशेषज्ञसहितको क्लिनिक सञ्चालन कार्यक्रम तयारी गरिएको बताइन् । औषधी अभाव हुन नदिन थप बजेट विनियोजन गरिएको पनि उनको भनाइ थियो ।

यो समाचार आजको राजधानी दैनिकमा प्रकाशित छ ।

प्रतिक्रिया दिनुहोस्

संबन्धित समाचार

काठमाडौँ, २८ माघ । प्रतिनिधि सभाको बैठक १ बजेदेखि सुरु भएको छ ।  प्रत्यक्ष प्रसारण (LIVE)

काठमाडौँ, २८ माघ । नेपाल समाजवादी पार्टी (नयाँ शक्ति) का संयोजक डा. बाबुराम भट्टराईले पार्टी नेतृत्व तेस्रो पुस्तालाई हस्तान्तरण गर्ने

काठमाडौँ, २८ माघ । अख्तियार दुरुपयोग अनुसन्धान आयोगका प्रमुख आयुक्त प्रेमकुमार राईले नागरिकलाई सहज र सरल सेवा दिने सम्बन्धमा थप

विराटनगर, २८ माघ । नेकपा (एकीकृत समाजवादी)का सम्मानित नेता एवं पूर्वप्रधानमन्त्री झलनाथ खनालले वर्तमान सरकारले मुलुकलाई अधोगतितर्फ लगेको आरोप लगाएका