रुकुम पश्चिम, १८ माघ । रुकुम पश्चिमको मुसिकोट नगरपालिका–१४, छिवाङ ज्युला ढुडेबगरमा ट्याक्टर दुर्घटना हुँदा परिचालकको मृत्यु भएको छ भने चालक घाइते छन् ।
प्रहरीका अनुसार सोलावाङबाट सिम्लीतर्फ जाँदै गरेको ना६त ७७१३ नम्बरको ट्याक्टर गए करिब राति साढे ९ बजे सडकबाट अन्दाजी २०० मिटर तल खसेको थियो । दुर्घटनामा ट्याक्टर चालक मुसिकोट नगरपालिका–८, गोरखानीका २२ वर्षीय मनबहादुर विक र परिचालक जाजरकोटको भेरी नगरपालिका–१ का ३५ वर्षीय हरिबहादुर विक घाइते भएका थिए ।
सल्लेस्थित जिल्ला अस्पतालमा उपचारका क्रममा हरिबहादुरको मृत्यु भएको अस्थायी प्रहरी पोस्ट छिवाङले जनाएको छ । चालक मनबहादुरलाई थप उपचारका लागि नेपालगन्ज ल्याइएको छ ।
