काठमाडौँ, १५ माघ । काठमाडौँबाट १९ जना जुवाडेलाई प्रहरीले पक्राउ गरेको छ ।
काठमाडौँ महानगरपालिका–९, सिनामंलगस्थित बाल्टिन होटेलमा तास खेलिरहेको अवस्थामा १० जना पक्राउ परेका छन् । सोही ठाउँ बस्ने ४१ वर्षीय केदार खड्कासहित १० जनालाई शनिबार दिउँसो प्रहरीले पक्राउ गरेको हो ।
प्रहरी वृत्त गौशालाबाट खटिएको टोलीले उनीहरूलाई नगद एक लाख ३३ हजार ५० रुपैयाँ र तीन बुक ताससहित फेला पारी पक्राउ गरेको जनाइएको छ । यस्तै, काठमाडौँ महानगरपालिका–९, विजयचोकबाट तास खेलिरहेको अवस्थामा नौजना पक्राउ परेका छन् । काठमाडौँ कपनमा बस्दै आएका अछामको साँफेबगर नगरपालिका–४ का ४० वर्षीय निरज शर्मासहित नौजनालाई शनिबार साँझ प्रहरीले पक्राउ गरेको हो ।
