काठमाडौँ, ६ जेठ । शेयर बजार काराेबार मापक नेप्से परिसूचक आज ६ अङ्कभन्दा धेरैले बढेको छ ।
नेप्से ६ दशमलव ३७ अङ्कले बढेर दुई हजार सात सय ८७ दशमलव १८ अङ्कमा पुगेको नेपाल स्टक एक्सचेन्ज लिमिटेडले जनाएको छ ।
आज ६ वटा समूहको सूचक बढेको छ भने ८ वटा समूहको सूचक घटेकाे छ । सबैभन्दा धेरै विकास बैंक समूहको परिसूचक एक सय १३ दशमलव ४४ अङ्कले बढेको छ भने जीवन बीमा समूहको परिसूचक ७८ दशमलव ८५ अङ्कले घटेको छ ।
आज नाै अर्ब ३० करोड रुपैयाँभन्दा धेरैकाे दुई करोड एक लाख कित्ता शेयर किनबेच भएकाे छ । नेपाल रिइन्स्योरेन्स लिमिटेडको आज सबैभन्दा धेरै ३४ करोड ७० लाख रुपैयाँ बराबरकाे शेयर कारोबार भएको छ ।