काठमाडौँ, १५ भदौ । ईन्द्रजात्राको अवसरमा सानिमा बैंकले “ईन्द्रजात्रा QR Code को यात्रा” योजना ल्याएको छ ।
यस योजना अन्तर्गत बैंकका संस्थागत व्यवसायिक खाता वाहकहरुले काठमाडौँ उपत्यकाको विशेष जात्रा ईन्द्रजात्राको दिन डिजिटल contactless भुक्तानीको सरल, सुरक्षित माध्यम QR Code को लागि आवेदन दिँदा रु. ५०० बराबरको मोबाइल टपअप उपहार स्वरुप प्राप्त गर्न सकिने बैंकले जनाएको छ ।
यस योजनामा सहभागी हुनका लागि संस्थागत व्यावसायिक खाता वाहकहरुले घरैबाट रजिष्ट्रेसन गर्न सकिनेछ । जसका लागि https://login.fonepay.com/#/signup मा गई आवश्यक विवरणहरु बुझाइ यो योजनामा सहभागी हुन सकिने बैंकले उल्लेख गरेको छ । यसैगरी बैंकमा खाता नहुनेहरुले पनि यो योजनामा सहभागी हुनका लागि [email protected] मा आफ्नो व्यक्तिगत तथा संस्थाको विवरण खुलाई खाता खोलेर QR Code मर्चेन्ट बन्नको लागि निवेदन पेश गर्नुपर्ने छ । यसरी सहभागी हुनुभएका QR मर्चेन्टले बैंकको तर्फबाट रु. ५०० को मोबाइल टपअप प्राप्त गर्नुहुनेछ । यो योजना भाद्र १६ गते ईन्द्रजात्राको दिन काठमाडौँ उपत्यकाको लागि मात्र लागू हुने सकिने बैंकले जनाएको छ ।
