काठमाडौँ, २३ जेठ । अहिलेको मौसमी तरकारी करेलामा प्रोटिन, क्याल्सियम, कार्बोहाइड्रेट, फस्फोरस, भिटामिन आदि तत्व पाइन्छ । मधुमेह, उच्च रक्तचाप जस्तो दीर्घ रोगमा पनि उत्तिकै लाभदायक हुन्छ करेला ।
हेर्नुहोस करेलाबाट हुने फाइदा –
१. करेलाको रस मख्खनमा मिलाएर खाएमा पेटको दुखाइ कम हुन्छ ।
२. करेलामा फाइबर हुने भएकाले पाचन प्रक्रिया मजबूत बनाउन करेला सहयोगी हुन्छ ।
३. करेलाले रगतमा चिनीको मात्रा सन्तुलन राख्न मद्दत गर्छ । विशेषगरी टाइप–२ मधुमेहका रोगीहरूलाई करेला निकै फाइदाजनक हुन्छ ।
४. करेलाको रस कागतिमा मिसाएर पानीसँग पिउदा तौल नियन्त्रण हुन्छ ।
५. करेलाले रगत सफा गर्छ । साथै हेमोग्लोबिन बढाउँछ ।
६. करेलले पाचनशक्ति दुरुस्त राख्छ, भोक जगाउँछ ।
७. दमको बिरामीले करेलाको सेवन गर्नु राम्रो हो ।
८. कफको रोगीले करेला सेवन गर्नुपर्छ ।
९. मधुमेहका लागि पनि करेला रामबाण हुनसक्छ । यसले सुगर लेभल नियन्त्रण गर्छ ।
१०. पक्षघातका बरामीहरुलाई काँचो करेला खुवाउँदा स्वास्थ्य अवस्था एकदमै राम्रो बन्दछ ।
११. करेला खाने गर्नाले रगत सफा हुने र रगतमा हेमोग्लोबिनको मात्रा बढाउनका लागि मद्दत पुर्याउँदछ ।
