काठमाडौँ, १६ जेठ । सरकारले सामुदायिक विद्यालयमा अध्ययनरत १३ लाख ४० हजार छात्रालाई सेनेटेरी प्याड निशुल्क वितरण गर्ने भएको छ ।
आगामी आर्थिक वर्षको बजेट प्रस्तुत गर्दै अर्थमन्त्री डा. युवराज खतिवडाले ‘देशभरका सबै सामदायिक विद्यालयमा अध्ययनरत १३ लाख ४० हजार छात्रालाई सेनेटरी प्याड निःशल्कु उपलब्ध गराउन स्थानीय तहमाफर्त सशर्त अनुदानको रूपमा रु १ अर्ब ८२ करोड वितीय हस्तान्तरण गर्ने घोषणा गरेका छन ।
हाल ४३ जिल्लामा लागु भएको दिवा खाजा कार्यक्रम देशभर विस्तार गरिने भएको छ । त्यसका लागि ७ अर्ब ५२ करोड विनियोजन गरिएको छ । आगामी आर्थिक वर्षमा एक हजार ८ सय विद्यालय भवन र ३८ आगिंक क्याम्पसको भवन पुर्ननिर्माण गरिने भएको छ । २ हजार ५२० कक्षा कोठा ,१-१ हजार संख्यामा विज्ञान प्रयोगशाला,पुस्तकालय ल्याव निर्माणको लागि बजेट विनियोजन गरिएको छ।
