काठमाडौँ, २४ माघ । सर्वसाधारणमा गलत धारणा रहेकाले हात्तीपाइले रोगका बिरामीले औषधि खान नमान्ने गरेको पाइएको छ । विशेषगरी सहरी भेगका बासिन्दा नै औषधि खान हिच्किचाउने गरेका छ ।
टाठाबाठा शिक्षित वर्गले नै यो औषधि खान नमान्ने गरेका स्वास्थ्य सेवा विभागका महानिर्देशक डा. रोशन पोखरेलले बताए। ‘हात्तीपाइले रोगबारे कम बुझेकाले औषधिको साइड इफेक्ट हुन्छ भनेर औषधि खाँदैनन्,’ उनले भने, ‘कतिलाई यो औषधि बिदेशबाट ट्रायल गर्न ल्याइएको भन्ने भ्रम छ ।’
विश्व स्वास्थ्य संगठनबाट परीक्षण गरी गुणस्तरीय मानिएको औषधि नै नेपालमा चलाइएकाले पूर्ण रुपमा सुरक्षित रहेको उनले बताए । यो खबर आजको कान्तिपुर दैनिकमा छापिएको छ ।
