झापा, ५ पौष । मेचे जातिको बसोबास रहेको झापाको मेचीनगर नगरपालिका–११ धाइजनस्थित भानु आधारभूत विद्यालयलाई सञ्जीवनी महिला विकास संस्थाले कम्प्युटर र प्रिन्टर सहयोग गरेको छ ।
आज विद्यालयको स्वर्ण महोत्सवका अवसरमा आयोजित कार्यक्रममा विद्यालयलाई सो सहयोग हस्तान्तरण गरिएको हो । विसं २०२५ मा स्थापना भएको यस विद्यालयमा अध्ययनरत अधिकांश विद्यार्थी र केही शिक्षक मेचे समुदायकै रहेका उक्त विद्यालयले जनाएको छ ।
संस्थाकी अध्यक्ष रेणुका डाँगीका अनुसार सांसद सुरेन्द्र कार्कीको पूर्वाधार विकास बजेटको प्राप्त रकमबाट विद्यालयलाई कम्प्युटर र प्रिन्टर प्रदान गरिएको हो । उनका अनुसार विद्यालयमा पहिलोपटक कम्प्युटर भित्रिएको छ ।
