काठमाडौँ, २८ भदौ । आज विश्व प्राथमिक उपचार दिवस ‘वञ्चित समूहका लागि प्राथमिक उपचार’ भन्ने मूल नारासहित विभिन्न कार्यक्रम गरि मनाइँदैछ ।
कुनै पनि दुर्घटनामा घाइते भएकाहरुको लागि तत्काल घटनास्थलमै गरिने उपचार प्राथमिक उपचारको महत्व दर्शाउन यो दिवस मनाउने गरिन्छ ।
हरेक वर्ष सेप्टेम्बर महिनाको दोस्रो शनिबारका दिनमा पर्ने विश्व प्राथमिक उपचार दिवसका सन्दर्भमा विभिन्न जिल्लामा नेपाल रेडक्रस सोसाइटीले कार्यक्रमहरु सञ्चालन गरिरहेको छ ।
नेपाल रेडक्रसको प्राथमिक उपचार पाठ्यक्रमलाई नेपाल सरकारबाट मान्यता प्राप्त छ । जस अनुसार हालसम्म मुलुकभर एक हजार दुइसय दक्ष प्रशिक्षक र ३३ हजार दुई सय जना प्राथमिक उपचार स्वयंसेवकहरू विकास गरिएको छ ।
