काठमाडौँ, १९ भदौ । अंगुरमा पोटासियम, कार्बोहाइड्रेट, प्रोटिन, भिटामिन ए, भिटामिन सी, क्याल्सियम, आइरन, भिटामिन बीसिक्स र म्याग्नेसियम प्रचुर मात्रामा पाइन्छन् । त्यसैले हाम्रो शरिरको लागी अंगुर खानु धेरै फाइदा हुने गर्दछ ।
हेर्नुहोस अंगुर खानुको फाइदा :
१. अंगुर खानाले मुटु स्वस्थ हुन्छ : अंगुरमा पाइने अक्सिडेन्ट र लिफेनोलले मुटुलाई स्वस्थ राख्न सहयोग गर्छ ।
२. अंगुरले पाचनक्रिया बलियो हुन्छ : अंगुरमा फाइबर हुने भएकोले पाचनतन्त्रलाई बलियो बनाउँछ । अंगुरमा विशेषगरी इन्सोलुबल (अघुलनशील) फाइबर हुन्छ ।
३. अंगुरले उर्जावान् राख्छ : अंगुरमा कार्बोहाइड्रेट सेलुलोस हुन्छ जसलाई ‘इनर्जी बुस्टर’ भनिन्छ जसको सेवनले उर्जावान् महसुस हुन्छ ।
४. मृगौला स्वस्थ रहन्छ : अंगुरमा एन्थोसियानिन र रेस्पोराट्रोल नामको शक्तिशाली एन्टिअक्सिडेन्ट पाइन्छ । यसले मृगौलामा प्रवेश गर्न सक्ने हानिकारक तत्वलाई बाहिर निकाल्ने काम गर्न सक्छ ।
५. विभिन्न क्यान्सरबाट जोगाउँछ : अंगुरमा एन्टिक्यान्सर हुन्छ जसले स्तन क्यान्सरलगायतका विभिन्न क्यान्सरबाट जोगाउँछ । अंगुरमा पाइने रेस्भेराट्रोलजस्ता पोलिफेनोल्सले क्यान्सरबाट जोगाउँछ ।
६. सास फेर्न सहज बनाउँछ : अंगुर खाने बच्चाहरुमा दमको लक्षण कम हुन्छ ।
