काठमाडौँ, १८ भदौ । प्रदेश नम्बर -२ को पर्सास्थित पकाहामैनपुर गाउँपालिकाले रक्सी र गुड्खा प्रतिबन्ध लगाउने निर्णय गरेको छ ।
उक्त गाउँपालिकाले सर्वदलीय बैठक राखेर रक्सी र गुड्खा प्रतिबन्ध लगाउने निर्णय गरेको गाउँपालिकाले जनाएको छ ।
गाउँपालिकाको अनुसार गाउँमा रक्सी पिएर हो-हल्ला गर्नेदेखि घरेलु हिंसाका घटना हुने, रक्सी पिएर मातिएका चालकले जथाभावी सवारी चलाएपछि दुर्घटना हुने साथै गुड्खा र चुरोट सेवनकै कारण गाउँका बासिन्दामा क्यान्सर रोग देखिएको भन्दै विक्री वितरण नै रोक्ने निर्णय गर्नुपरेको जनाएको छ ।
रक्सी र गुड्खा विक्री वितरणमा रोक लगाए पनि अटेर गरी विक्री गरेको भेटिए कारबाही गर्ने उनको भनाइ छ ।
