भक्तपुर, ५ भदौ । भक्तपुरमा चोरी गरी भाग्दै गरेका एक जनालाई पर्हरिले पक्राउ गरेको छ ।
चागुँनारायण नगरपालिका-८ रानीबारीबाट करिब ३ लाख २५ हजार बराबरको धनमाल चोरी गरी भाग्दै गरेको अवस्थामा सिन्धुपाल्चोक सिमपाल घर भई हाल भक्तपुर नगरपालिका-१० कमलविनायक बस्ने २३ वर्षीय दिपक गिरीलाई पक्राउ गरेको प्रहरीले जनाएको छ ।
स्थनीया ५६ वर्षीय श्रीराम खत्रीको घरबाट सुनका बिभिन्न्न गरगहना सहित उक्त रकम बराबरको धनमाल चोरी गरी भाग्दै गरेका गिरीलाई स्थानीय बासिन्दाको सहयोगमा प्रहरीले पक्राउ गरेको हो ।
उक्त घटनाबारे थप अनुसन्धान भईरहेको प्रहरीले जनाएको छ ।
