काठमाडौँ, १२ वैशाख । आज २५ अप्रिल औंलो विरुद्धको दिवस मुलकभर विभिन्न जनाचेतनामूलक कार्यक्रम गरी मनाईदैछ ।
औंलो रोग एनोफेलिस लामखुट्टेको टोकाईबाट मान्छेमा सर्ने गर्दछ । सन् २०१५ को अध्ययन अनुसार संसारभर अझै पनि ९१ बढी देशमा मलेरियाको संक्रमण छ ।
WHOको सन् २०१६ को एक अध्ययन अनुसार संसारभरिमा २ करोड १२ लाख मलेरिया संक्रमित रहेको र ४ लाख २९ हजारले ज्यान गुमाईसकेको तथ्याङ्क रहेको छ ।
नेपालमा हाल वर्षमा १ हजार औंलो रोगी थपिने गरेको तथ्यांक छ । आर्थिक वर्ष २०६९-०७० सालमा औंलो रोगका बिरामीको संख्या २ हजार ९२ थियो भने २०७३-०७४ सम्म आइपुग्दा ११ सय २८ पुगेको छ । सरकारले यसवर्ष औंलोबाट हुने विरामीको संख्या ९० प्रतिशतले घटाउने योजनाअनुसार काम भइरहेको बताएको छ ।
मलेरियाको रोकथामकालागि समय समयमा दिइने खोप, समयमै आवश्यक औषधोपचार तथा घरभित्र वा बाहिर सुत्दा अनिवार्य झूलको प्रयोग महत्वपूर्ण छ ।
