वीरगञ्ज, १४ चैत । वीरगञ्जबाट अवैध लागूऔषध गाजा ओसारपसारमा संलग्न आमाछोरीलाई प्रहरीले पक्राउ गरेको छ ।
बिहीबार बिहान प्रहरी चौकी ईनर्वा पर्साबाट खटिएको प्रहरी टोलीले वीरगञ्ज महानगरपालिलका-१९ ईनर्वा चोकबाट बाराको महागढीमाई नगरपालिका-१० घर भइ वीरगञ्ज महानगरपालिका-१ छपकैयामा डेरा गरी बस्ने ३८ वर्षीया अञ्जुदेवी कर्ण र उनकी छोरीलाई पक्राउ गरेको हो ।
उनीहरुबाट लागूऔषध गाजाको धुलो ६ किलो बरामद गरिएको जिल्ला प्रहरी कार्यालय पर्साका प्रमुख प्रहरी नायब उपरीक्षक रेवती ढकालले जनाएको छ ।
पक्राउ परेका उनीहरुमाथि थप अनुसन्धान भइरहेको एसपी ढकालले जनाएको छ ।
