(साउन २८, मोरङ) । प्रदेश आर्थिक मामिला तथा योजनामन्त्री इन्द्रबहादुर आङ्बोले सवैको सांस्कृतिक पहिचानका आधारमा प्रदेश १ को नाम किराँत प्रदेश रहने बताएका छन् ।
मोरङको बेलबारीमा आदिबासी जनजाति समुदायले “अधिकार, प्रतिनिधित्व, स्वायत्तता र स्वशासनका लागि आदिवासी जनजातिको अडान, मानव पहिचान सहितको संघीयताका लागि संविधान संशोधन हाम्रो साझा अभियान”भन्ने मुल नाराको साथ आयोजना गरेको कार्यक्रममा मन्त्री आङ्बोले प्रदेशको नामकरण किराँत राख्दा इतिहास, सभ्यता, संस्कृति र यहाँको बहुसंख्यक जनताको मनोविज्ञान सम्बोधन हुने बताए ।
पृथ्वीनारायण शाहले नेपाल एकिकरण गरेपछि पल्लो, वल्लो, माझ किराँत भनेर नै स्वीकार गरेको बताउँदै मन्त्री आङ्बोले भने, ‘किराँत नितान्त जातीय नाम होइन यो प्राचीन सभ्यता र संस्कृति पनि हो, किरातकालीन सभ्यता हो ।’
