(साउन १९, उदयपुर) । नेपालमा संघियताको कार्यान्वयनका क्रममा अघि वढ्दै केन्द्रीयताबाट सेवा सुविधा गाउँमा नै पाएसँगै उदयपुर जिल्लाको इलाका प्रशासन कार्यालय कटारीले एक वर्षभित्र १५ सयभन्दा वढी राहदानी वितरण गर्दै शुल्कबाट रु ११ लाख ५० हजार राजश्व संकलन गरेको छ ।
एक वर्ष अघिदेखि वैदेशिक रोजगारीको लागि विदेश जान चाहनेका लागि राहदानी दिने अनुमति पाएको कटारीमा २०७३/०७४ देखि २०७४/०७५ सालको असार महिनासम्ममा सो क्षेत्रबाट झण्डै एक हजार २४० पुरुष र ४३० महिलाले वैदेशिक रोजगारीका लागि राहदानी लिएका छन् । उक्त राहदानी वापत रु ११ लाख ५० हजार राजश्व संकलन भएको इलाका प्रशासन कार्यालयले जनाएको छ ।
