काठमाडौँ, ६ माघ । नेपाली किक बक्सिङ खेलाडी अविरल घिमिरेले टोकियोमा भएको हिट ४६ किक बक्सिङको टाइटल जित्न सफल भएका छन् ।
हिमालयन चितुवा नामले परिचित किक बक्सिङ खेलाडी घिमिरेले टोकियोको नागोयामा भएको भिडन्तमा जापानी च्याम्पियन मुकेवासलाई पहिलो राउण्डमै मुक्का प्रहार गरी मैदानमा ढालेर पहिलो नकाउट हानेका हुन् । २१ वर्षीय अविरल हिट ४६ किक बक्सिङको टाइटल उपाधि जित्ने कान्छा बक्सर हुन् ।
जापानको नागोया शहरमा रहेर किक बक्सिङका व्यवसायीक खेल खेल्दै आएका अविरलले जापानमा नेपालको प्रतिनिधित्व गर्दै १२ खेलमा जित हासिल गरिसकेका छन् । हालसम्म उनले ७ वटा नकाउट र ५ वटामा समान जित हासिल गरि नेपालको झण्डा फराउन सफल भएका छन् ।
