काठमाडौँ, २५ पौष । नेपाल बास्केटबल लिग थ्रि बाई थ्रि वेष्ट आगामी मंगलबारबाट सुरु हुने भएको छ ।
नेपाल बास्केटबल लिग प्राइभेट कम्पनीको आयोजना तथा खेलकुद साम्रगी निमार्ण कम्पनी लिनिङको प्रायोजन र विपन्न बालबालिका खेलकुद नेपाल (पिडिसियन)को सहयोगमा नेपाल बास्केटबल लिग थ्रि बाई थ्रि वेष्ट मंगलबारबाट सुरु हुन लागेको हो ।
उक्त प्रतियोगिता तिन शहर पोखरा, बुटबल र धनगढीमा सञ्चालन हुनेछ । कम्तीमा २० टोली सहभागि हुने पोखरा लेग आगामी मंगलबार र बुधबार चल्नेछ । माघ ४ गते बुटवलमा संचालन हुने लेगमा १४ टोलीको सहभागिता रहने आयोजकले जनाएको छ ।
माघ ६ गते धनगढीमा हुनेछ । तिनै शहरका फाइनल प्रवेश गर्ने टोली धनगढीमा हुने फाइनलमा प्रतिस्पर्धा गर्नेछन् । फाइनल माघ ८ र ९ गते हुनेछ । उपाधि विजेता टोलीले ५० हजार र उपविजेता टोलीले २५ हजार रुपैयाँ पुरस्कार पाउनेछन् ।
