काठमाडौँ, ५ पौष । इङ्लिस क्लब आर्सनलको मुख्य प्रशिक्षकमा मिकेल अर्टेटा नियुक्त भएका छन् । आर्सनलले सुक्रबार राति अर्टेटालाई प्रशिक्षकमा नियुक्ति गरेको हो ।
३७ बर्षीय अर्टेटा आर्सनलका पूर्व खेलाडी पनि हुन् । अर्टेटाले आर्सनलबाट सन् २०११ देखि २०१६ सम्म पाँच बर्ष खेलेका थिए । आर्सनलले यसअघिका मुख्य प्रशिक्षक युनाई इम्रीलाई बर्खास्त गरेको तीन सातापछि उक्त स्थान अर्टेटालाई सुम्पिएको छ ।
स्पेनेनिस नागरिक अर्टेटालाई आर्सनलले साँढे तीन बर्षको लागि नियुक्त गरेको हो । अर्टेटाको प्रशिक्षणमा आर्सनलले शनिबार साँझ एभर्टनसँग खेल्दैछ ।
