काठमाडौँ, १८ कार्तिक । आज मेरिलेबोन क्रिकेट क्लब (एमसीसी) विरुद्ध भएको खेलमा पूर्व कप्तान पारस खड्का र लेग स्पिनर सन्दीप लामिछाने खेलेका छैनन् ।
नेपाली राष्ट्रिय टोलीबिरुद्ध एमसीसीले आज ५० ओभरको खेल खेलिरहेको छ । कप्तान ज्ञानेन्द्र मल्लले खेल अफिसियललाई बुझाएको सूचीमा पारस र सन्दीपको नाम छैन ।
नेपालको प्लेइङ ११ मा कप्तान ज्ञानेन्द्र मल्ल, इशान पाण्डे, शरद भेषावकर, दीपेन्द्रसिंह ऐरी, आरिफ शेख, विनोद भण्डारी, पवन सर्राफ, करण केसी, ललित नारायण राजवंशी, विक्रम सोव र अभिनाश बोहोरा रहेका छन् ।
यसैगरी एमसीसीमा कप्तान जिमी एडम्स, विल रोड्स, क्यलम ज्याक्सन, बिलि गोडलम्यान, टम वेस्टली, विल भानडरसपार, माइल्स ह्यामन्ड, एलेक्स थम्प्सन, यासिर अरफत, क्रिस राइट, ओलिभर ह्यानन रहेका छन् ।
